مجرد كلمات

ما كنت عارف اكتب شنو في اول بوست بس انشاء الله يكون حلو و يعجبكم :)
كتير من القايز بحسوا بي الم و كابه و تعاسه كانهم لمن عرفو انهم قاي كان كدا خلاص نهاية حياتهم و مع اني صغير و من المفترض اني بتعرض للمضايقات الكتيره في المدرسه و غيره بس برضوا ما عارف ليه الحزن دا كله؟؟؟؟؟؟
so your gay GET OVER IT!!!!!
انا عارف انو البعض بيظن انو انك تكون قاي معناها ما عندك مستقبل و انو علشان انا قلت قيت اوفر ات معناتها انا ما فاهم حاجه بس بالعكس لانو كل ما كنت انت متقبل لنفسك كا ما كانت حالتك النفسيه احسن .
و انا لمن اقول متقبل ما قاصد انك تمشي تعمل علاقه جسديه او حتى علاقه حب مثليه لانو في كتير من الناس اللي بتكون قاي بس برضو ما بمارسو اي شيء مثلي او قاي و اكبر غلط في نظري و هو اكتر حاجه القايز بيغلطوا فيها حتى الكبار هو انهم بيخلطوا المثليه مع اللواط و انك تكون مثلي معناها انك بتمارس لواط (اعزروني على الالفاظ) بس الكلام دا
wrooooooooong
طبعا بتفتكروا لي انا بهاجم الناس الما متقبلين مثليتهم كدا؟؟؟؟؟
بس الجواب لانو انا كنت واحد منهم حاربت المثليه الجواي كتير شديد و قرب يأدي بموتي و اكبر دليل اني كنت بفكر بمثليتي و انا راكب في العربيه وفتحت الباب و العربيه متحركه و كنت عايز انهي حياتي
طبعا بتساءلو كيف نجيت؟؟؟؟؟؟؟؟؟
حقيقة ما حاكذب و اقول اني جاتني اللحظه الي اتزكرت فيها ربي و اتزكرت العزاب الممكن ربي يذوقو لي , بس حقيقة كان في حد معاي وقفني و قال لي في طرق تانيه علشان تحل مشاكلك بدلا من الهرب و في الحقيقه في اللحظه ديك صدقته و قفلت الباب و انا لي هذي اللحظه ممتن لي هذا الانسان و ادعو له في الصباح و في الليل
عدم تقبلي لمثليتي سبب لي كتير من المشاكل و كان اكبر سبب خلاني اكون في حالة انطوائيه و عدم الثقه بالنفس لدرجة اني لمن اكون لوحدي و لو حتى فايف مينتس كنت احس انو دا حيكون حالي لمدى حياتي و انو انا ما عندي مستقبل و انو انا حافضل عايش في ظلمه لمدى حياتي
كنت لمن حد يقول لي شي بيتعلق بكوني مثلي مثل انو يستعمل الالفاظ الغير جميله معاي لاني ما بتصرف ذي بقيه الاولاد كنت بفضل افكر فيها لمدة اسبوع على الاقل.
اتعلمت اني اتقبل نفسي و احاول اني ما افكر في المضايقات دي بس كان صعب و الحمد لله مريت منها
كتير من الناس الما مثليين بيظنو ان المثليه مجرد فكره موجوده في عقلنا و لمن الواحد فينا بيفكر فيها هي بتكبر بس الكلام دا ما صحيح و انحنا (او انا) ما بقدر انسى هويتي و ما افكر فيها حتى انها تتغير لانو
FOR ME
المثليه عباره عن حائط من زجاج محيط بيك بتقدر تشوف من خلاله و تتعايش مع و جوده بس انت نهائي ما ممكن تنسى انه موجود.
انا ما بدعو لتقبل المثليه بس انا بدعو للايجابيه
:)
hope u all the best <3 <3 <3