الايام الاخيرة دي كنت مشغول شديد عندي مليون فكرة لي بوست علي البلوج بس ما لاقي الوقت فا free handفي النهاية قررت اني اعمل بوست يعني عندي مواضيع معينة مالية راسي الايام دي و لازم افرغها ولو كان بطريقة جايطة حبيتين
bare with me guyz XD
اولا تتذكرو البوست البيحكي عن الشخص الانا حبيته رغم انو سترايت و في النهاية قررت اني انساه واحاول اغير نظرتي تجاه و ابقيها بس (فرندشيب)،، بصراحة الموضوع ماشي بطريقة pureحلوة جدا، يعني بالجد حتي طريقة حبي له بدون اي نوع من الرغبات، بس برضو كوني انسان متوقع مني اني امر بلحظات ضعف ما بقدر فيها اتحكم بروحي، و خاصة في الاسابيع المرت علي في 2013 كنت جايط جدا من جهة الرغبات دي،، (دا غير موضوع اني سينجل دا ما كان عاجبني >_< ) فا مر علينا يوم من اسبوعين تقريبا او اقل، كان رسل لي ع الفون و انحنا مر زمن من اخر محادثة بيناتنا، فا نسبة للحالة الانا كنت فيها كنت
بقري رسالته
( miss you)
علي انها
( omgooosh i miss u sooo much baby feeling lonely without u )
فا ممكن تتخيلو براكم طريقة ردي كانت كيف (خوفت الود طلعت عينه)،، يعني بالجد لو كان واصل معاي الرسايل دقيقتين زيادة كنت قلت ليه ( انا بحبك موت يابن الايه)،،، الحمد لله اليوم عد علي خير، و رجعت لي العزيمة اني اواصل في قراري ^_^
تاني في موضوع برضو في راسي من زماااااان بس بجي علي بالي مرة لي مرة كدا
with my period u knw
, هو موضوع الاحساس بالضعف و عدم الرضا بالنفس،،، دايما بمر علي الاحساس دا لمن اكون في موقف الناس الحولي محتاجني اني اكون قوي فيه، مع اني ممكن اكون في نظرهم عملت المطلوب بس انا دايما بحس اني ممكن اكون اقوي، و بجيني احساس اني خذلت كل اللي بحبه بسبب كوني مثلي, مع اني فاهم كويس انو الاحساس ما صاح بس مع ضغوطالحياة الانسان ما بيستطيع انو يوبخ نفسه و يقولها انو كدا غلط و ما مفروض تفكر كدا،،
الموضوع الاخير الليلة هو موضوع خطير صراحة و احتمال اني احتاج اذكره تاني في بوست تاني،،، هو موضوع الاشخاص اللي بمارسه الجنس مع نفس جنسهم و بيعتبروا روحهم (جاي) علي هذا الاساس،،، يعني صراحة مفروض بعد كدا الناس تفصل تماما بين
HOMOSEXEUAL
و gay
،، عارف كلامي مبهم و كتير من البيقرو حيقولو ( كيف يعني يفرقو بين الكلمتين و شو هذا الكلام و كدا ) بس بصراحة انا الفترة الفاتت مريت بي اشخاص ما يربطهم شي مع ال (الجاينس) غير انهم بمارسو مع نفس جنسهم، يعني انا في نظري بعتقد انو كون الانسان (جاي) عبارة عن شخصية كاملة و جنس كامل منفصل عن التقسيم المعروف للبشر، هذه الشخصية في اسباب مكونة ليها و عندها طريقة تفكير معينة،، يعني في معظم الاحيان بتلقي انو الانسان (الجاي) وجد نفسه في مرحلة من مراحل نشاته انو مختلف عن الاخرين، انجزاباته مختلفة، حتي في البعض بحسو انو الاختلاف يصل للشكل الخارجي المخالف للمعهود، اما هذا الانسان اللي بي صنف روحه مع الجايز هو انسان في فترة من فترات حياته لقي روحه بيمارس الجنس مع نفس جنسه دون حقيقة الاعتراف الداخلي بانه منجذب لنفس جنسه، و في اغلب الاحيان هدول الناس بشوفو نفسهم احسن من الجايز لانو في اغلب الاحيان ما بكونو بيتصرفو زيهم او حتي بفكرو زيهم و احتكاكهم معاهم بكون بس في السرير،، انشاء الله حاحاول اني اكتب عن الموضوع دا بطريقة اوضح،، الساعة 2 صباحا و بديت اقول كلام ملخبط ههههه فا للمرة الجايه يلا chaaaawz
;* love xoxo
