معظم المثليين بحسو بي ضياع في اوائل حياتهم و للاسف
الاحساس دا بستمر مع الكثير منهم لفترة طويلة,
الكثير يختار نمط حياة معين لظنه او عدم ايمانه بوجود نمط اخر اكثر ايجابية
و اكثر احتراما للزات.
لو انسان جاتو الفرصة انو يوعي انسان اخر اعطيه العلم
العنده هل يكتمه او يرفض اعطاءه لاجل ملذاته الشخصية ام انو يفكر لي قدام و يعمل
الصاح؟, ولو ما في مقدوره انو يساعد, يبعد بكل سهولة.
بصراحة السبب الخلاني اكتب البوست دا قصة طوييييلة بس
حاحاول اني ادي الجزء المهم منها.(dont wanna be boring)
الموضع بدا من حوالي اربعة شهور, مريت بي مرحلة اتعرفت
فيها على كمية كبيرة من الاشخاص و ناس كتيرة بقت تعرفني, مرة علي احد اصدقاء
اصدقائي, كان فاكرني (من تصرفاتي, طريقة كلامي, و اهتماماتي) اني مثلي, الود كن
جريء جدا و فتح معاي الموضوع (بالمناسبة انا عامل قاعدة لي نفسي انو هويتي المثلية
ابدا ما مفروض اناقشها مع انسان بعرفني من جهة عالمي المغاير) فا طبعا ما اصفحت عن
هويتي ليه, بالعكس لعبت دور انسان مستغرب و متفاجئ من الكلام اللي بقولو, بس في
نفس الوقت كنت حابي اعرف عن هذا الانسان اكتر, يعني ما كنت بصده لمن يبدا يتكلم عن
الموضوع, مع انو هذا الانسان تقريبا في نفس عمري او اكبر مني بسنة و نص تقريبا,
اكتشفت انو لا يعرف اي حاجة عن مثليته, يعني حتى ما فاهم ليش هو بحب نفس جنسه,
تفكيره محدود جدا من الناحية دي,,,
يلا نمشي لي نقطة صغيرة كدا و نرجع تاني للقصة,,,
كان في انسان كبير شوية في العمر (في ثلاثينيات عمره )
تربطنا به علاقة مشتركة, بنعرفه كلنا انا و بقية اصحابي بالاضافة الى هذا المثلي
الجريء,,,, انسان لطيف جدا, تحس بي راحة كبيرة جدا لمن تكون معاه, مرت بي مواقف
ادتني شعور بانه ينتمي لي هذا الجنس الثالث, ما انتبهت للموضوع شديد لانو ما يعني
لي اي حاجة, فا مررته. ( simply not interested)
نرجع لي موضوعنا,,,,,
المهم انو و في حديثي مع هذا المثلي, جاءت سيرة هذا
الانسان الكبير في العمر, ذكر لي انه كان بتكلم معاه فترات طويلة, و بحكي ليه
اسراره (كل اسراره),,, طبعا انا لاعب دور المخلوع شديييد,, فا ذكر انو مارس معاه علاقة
جنسية خارجية(oral sex), طبعا اتفاجأت من الحكاية,
واحد عمره 18 يكون مع واحد ضعف عمره تقريبا, مع انو الممارسة كانت ما (كاملة) بس
برضو غريبة جدا, بس الاحساس بالرضا الانا حسيت بيه من المثلي الصغير خلاني ما
اناقش الموضوع, يعني الممارسة كانت برضا الطرفين, و ما عندي دخل فيها, بس الاثار
غيزي انو كيف كان في علاقة بينو و بين الانسان الكبير في العمر, و الكبير في العمر
نهائي ما حاول يفهم او يوعي الصغير عن حاله او عن الماري بيه ولو شوية,, يعني
الصغير كان بيحكي اسراره للتاني فقط (للاستماع) بدون ما يكون في اي مناقشة جدية من
اي ناحية,, يعني لازم اكون في حاجة هذا الانسان الكبير في العمر عارفها ممكن تساعد
هذا الشاب للمضي في حياته بصورة راقية اكتر و فيها احترام للنفس ولو شوية,,,,
الموضوع عموما كدا غازني شديييييد و اثار فضولي اني اعرف
قصة الكبير في العمر, و سبحان الله بدون اي مبادرة مني, وجدت رسالة ع بروفايلي
منه, و بدت الاحاديث المطولة و النقاشات,,, بدون ما اكشف هويتي المثلية حسيت انو
هو اصلا عارفني, و في نفس الوقت هو حس اني عارف هويته, الاحاديث بدت تقرب من
المواضيع دي تدريجيا, و اكتشفت الحاجة البجد خلتني اتحير, و بقى الموضوع ماخد معظم
تفكيري,,,,,, انو هذا الشاب اللي مارس معاه علاقة ما كان الاول,,, بالعكس هو
بيستدرج الناس (بالاخص الشباب) الى انهم يحكو ليه اسرارهم, و هو بستغل الفرصة دي
لي انو ياخذ مراده منهم, يعني ممكن اكون في كمية من الشباب الما فاهمين اي حاجة عن
هويتهم و هو غير ما يسمع قصصهم ما مديهم اي مساعدة او توعية ,,,للاسف ما قدرت
اناقش الموضوع معاه لاني ما اردت الافصاح
عن هويتي,
بصراحة, بالجد ما نفسي ادخل في قصة انو بمارس مع ناس
اصغر منه سنا, لانو هو ما بفرض عليهم حاجة, بالعكس الموضوع بكون بي كل رضاهم, بس
برضو لازم ناخد في الاعتبار انو معظم المثليين الصغار في العمر بيظنو او بيعتقدو
انو اي نوع من الاهتمام من نفس جنسهم هو عبارة عن حب, خاصة انو الموضوع كله بتاع
المثلية بكون عبارة عن (شخبطة لخبطة) في راسهم, (بقول الكلام دا من تجربتي
الشخصية) ,,, يعني بكون عندهم اهتمام كبير لي اي انسان مثلي في حياتهم, لانو مافي
عدد كبير, فا اذا هذا المثلي اعطاهم اي نوع من الاهتمام هم بظنوه (حب),,,
بس انا في نظري لو هم كانو عارفين معلومات كافية عن
مثليتهم, كانت حتكون اختياراتهم مختلفة, او على الاقل حتكون عندهم القدرة على
الاختيار بوعي اكبر,, صحيح انو اي حاجة عن المثلية موجودة في النت, يعني حتى انا
اتعلمت من النت, بس برضو انت لمن تكتب كلمة مثلي في السيرش, اول النتائج الحتجيك
غالبا بتكون افلام اباحية(pornography ), احتمال تجيك احدى الشخصيات اللي بتظن انو المثلية بس
علاقات جنسية, احتمال تجيك العبارات المليانة كراهية و رفض من نبذ المجتمع لي هذي
الفئة من الناس,, كلها اشياء ممن اكون تأثيرها سلبي على المثلي الناشئ, و قليل
مننا البلقى المواقع البتشرح معنى المثلية, و كيف انها اعتبرت مرض نفسي من بعض
الناس, و سبب هذا الاعتبار, و كيف انها اعتبرت جين بتولد بيه الانسان من فئة اخرى
من الناس,,, كلها معلومات ممكن تساعد الانسان على انه يختار طريقه في حياته, بس
بدون حد يساعده يوريه فين يبحث, صعب يتجه في الاتجاه الصاح,,,
فا يعني دي رساله لي اي انسان في مقدوره انو يساعد انسان
اخر من الناحية دي, مهما كان عمره, ابدا ما تضيع الفرصة دي, ممكن اكون عندها تأثير
كبير في حياته لي الامام,,, بس برضو احذر من انك تتخذ القرارات بدله, يعني فقط
اعطيه الخيارات و خليه يختار و يجرب على وحده,,,,
share love as long as you can <3
